بت بود ؛ “بت شکن” فرستادی

من پر از بغضم  ”بغض شکن” هم داری . . . ؟ 

معلم بینوا عشق می فروشد

غافل از اینکه آدم های شهر قلب ندارند

آدم های روزگار زود تغییر می کنند

غافل از اینکه باید درویش کنند

اذن وئر  توی  گئجه سی  منده سنه  دایه  گلیم 

ال  قاتاندا  سنه  مشاطه ، تماشایه  گلیم

سن بو مهتاب گئجه سی سئیره چیخان بیر سرواول 

اذن وئر، منده دالونجا سورونوب سایه گلیم 

منه ده  باخدین  او  شهلا  گؤزوله ، من  قاراگون

جرئتیم  اولمادی  بیر  كلمه  تمنایه   گلیم 

من جهنمده ده باش یاسدیقا قویسام  سنیله 

هئچ آییلمام كی دوروب جنت  مأوایه  گلیم 

ننه  قارنیندادا  سنله أكیز  اولسیدیم  اگر

ایسته مزدیم دوغولوب بیرده بو دنیایه گلیم 

سن یاتیب جنتی  رؤیاده گؤرنده  گئجه لر 

منده جنتده قوش اوللام ،كی او رؤیایه گلیم 

قیتلیغ ایللر یاغشی تك قورویوب گؤزیاشمیز 

كوی  عشقونده  گرك بیرده  مصلایه  گلیم 

سنده صحرایه مارال لار كیمی بیر چیخ،نولی كی 

منده بیر صیده چیخانلار كیمی،صحرایه گلیم 

آللاهوندان سن اگر قورخمیوب ،اولسان ترسا

قورخورام منده دؤنوب دین مسیحایه  گلیم

شیخ صنعان كیمی  دونقوز  اوتاریب  ایللرجه

سنی بیر گؤرمك ایچون معبد ترسایه  گلیم

یوخ صنم ! آنلامادیم ، آنلامادیم ، حاشا من

بوراخیم مسجدیمی ، سنله كلیسایه گلیم !

گل چیخاق طورتجلایه، سن اول جلوه ی طور

من ده موسی كیمی ، اوطوره تجلایه گلیم

شیردیر« شهریار» ین شعری ، الینده شمشیر

كیم دئیه ر من بئله بیر شیرله دعوایه گلیم

تقدیم به دوستانی که به ماسر میزنند